Amerikalik sportchi yopiq inshootlarda 3000 metrga yugurish bo‘yicha jahon rekordini o‘rnatdi

Amerikalik yengil atletikachi Grant Fisher AQShdagi turnirda yopiq inshootlarda 3000 metrga yugurishda jahon rekordini o‘rnatdi.

Fisher masofani 7 daqiqa 22,91 soniyada bosib o‘tdi. U 7 daqiqa 23,81 soniyani tashkil etgan va 2023 yilning fevralidan beri efiopiyalik Lamecha Girmaga tegishli bo‘lgan jahon rekordini ortda qoldirdi.

Yaqinda o‘tkazilgan musobaqada ikkinchi o‘rinni amerikalik Koul Xoker egalladi, u ham avvalgi jahon rekordidan yuqori natija ko‘rsatdi - 7 daqiqa 23,14 soniya.

Shuningdek, AQShdagi musobaqadan so‘ng milya yugurish bo‘yicha rekord yangilandi (1609 metr). Jahon rekordini 3 daqiqa 46,63 soniyada marraga yetgan amerikalik Yared Nuguse qo‘lga kiritdi. Uning hamyurti Xobbs Kessler ikkinchi bo‘ldi (3:46,90). Avvalgi jahon rekordini efiopiyalik Yomif Kejelcha 2019-yilning mart oyida o‘rnatgan edi – 3 daqiqa 47,01 soniya.