Amerikalik siyosatchilar chat-botlarning o‘zlari haqidagi fikrini o‘zgartirish yo‘llarini qidirmoqda

The New York Times gazetasi bunga Missuri shtati qonun chiqaruvchi organiga dastlabki saylov jarayonida Demokratik partiyadan nomzod bo‘lgan Dastin Lloydni misol qilib keltiradi.

Avvalroq saylovchilar OpenAI'ning ChatGPT yoki Google'ning Gemini chat-botlaridan Lloyd haqida so‘rashganda, ular faqat uning siyosiy maqsadlarini ochib bermaydigan asosiy ma’lumotlarni olishgan.

Siyosatchi "internetdagi o‘z mavqeini to‘g‘irlashga" qaror qilib, o‘z saytida o‘zi haqidagi savol-javoblar bo‘limini chop etdi. Keyinchalik, chat-botga Lloyd haqida savol berilganda, u aynan shu ma’lumotlarni taqdim eta boshladi. Siyosatchi endilikda ushbu vositadan kundalik ravishda foydalanishini tan oldi.