Amyel: Fransiya Amerika videokonferensiya xizmatlaridan voz kechmoqchi

Fransiya 2027 yilga qadar Amerikaga tegishli videokonferensiya servislaridan voz kechishni rejalashtirmoqda. Bu haqda Fransiya hukumatida raqamli masalalar bo‘yicha vazir-delegat David Amyel La Tribune Dimanche nashriga bergan intervyusida ma’lum qildi.

«Biz Teams va Zoom’ga bog‘lanib qoldik. Shuning uchun har qanday sharoitda aloqalarimiz xavfsizligini ta’minlash uchun hukumat ushbu platformalardan voz kechishi kerak», — dedi u.

Uning so‘zlariga ko‘ra, 2027 yilga qadar Fransiya davlat ma’muriyatining barcha tuzilmalarida Visio nomli mahalliy videokonferensiya yechimi joriy etiladi.