«Al Hilol» Rodrigo uchun «Real»ga 100 mln yevrodan ko‘proq to‘lashga tayyor

Marca Rodrigoga bo‘lgan jiddiy taklif haqida xabar berdi.

Manbaga ko‘ra, Neymarga o‘rinbosar qidirayotgan «Al Hilol» dushanba kuni «Real» vingeri bilan bog‘langan.

Saudiya chempioni 24 yoshli braziliyalik uchun Madrid klubiga 100 million yevrodan ko‘proq to‘lashga tayyor. Futbolchining o‘ziga ham yuqori maosh taklif qilinmoqda.

«Al Hilol» Rodrigoni Saudiya ligasi tarixidagi eng ko‘p maosh oladigan futbolchilardan biriga aylantirmoqchi. Shuningdek, kelishuv amalga oshsa, vinger 2034 yilgi jahon chempionatining yuziga aylanadi.