Agar Putin tinchlik kelishuvini rad etsa, AQSh Rossiyaga qarshi yangi sanksiyalar joriy etadi — Bloomberg

Agentlik manbalariga ko‘ra, Qo‘shma Shtatlar Rossiyaning energetika sektoriga qarshi ham qaratilgan yangi sanksiyalar paketini tayyorlamoqda.

Bu choralardan Moskvaga nisbatan bosimni kuchaytirish, shuningdek, agar Putin Ukraina bo‘yicha taklif etilayotgan tinchlik kelishuvini rad etsa, Kremlni kelishuvni qabul qilishga undash ko‘zlangan.

"Vashington yangi sanksiyalarni shu hafta taqdim etishi mumkin. AQSh moliya vaziri Skott Bessent bu rejalarni shu hafta boshida Yevropa elchilari guruhi bilan uchrashuvda muhokama qilgan. Shu bilan birga, so‘nggi qaror Donald Trampga tomonidan qabul qilinadi", deya yozmoqda Bloomberg.