Afg‘oniston hukumati Trampning Bagram aviabazasini qaytarish talabiga javoban AQShga "real vaziyatga asoslangan holda oqilona siyosat yuritish"ni tavsiya qildi

"Shuni eslatib o‘tish kerakki, Doha kelishuviga muvofiq, Qo‘shma Shtatlar Afg‘onistonning hududiy yaxlitligi yoki siyosiy mustaqilligiga qarshi kuch ishlatmasligi yoki kuch bilan tahdid qilmasligi, shuningdek, mamlakatimizning ichki ishlariga aralashmasligi shart. Shuning uchun Vashington o‘z majburiyatlariga sodiq qolishi zarur", deyiladi Afg‘oniston hukumati bayonotida.

Avvalroq Afg‘oniston mudofaa vaziri "agar AQSh Afg‘onistondagi bazalarni kuch bilan qaytarishga urinsa, afg‘onistonliklar ular bilan yana 20 yil urushishga tayyorligini aytgan edi.