O‘zbekiston fuqarolari noma’lum sabablarga ko‘ra BAAning Abu-Dabi shahriga kiritilmayotgani haqida xabar berilgan edi. Ularning bir qismi Toshkentga qaytib keldi. Bu haqda Air Arabia aviakompaniyasining ertalabki reysida kelgan yo‘lovchilardan biri “Gazeta.uz”ga ma’lum qildi.
30 noyabr kuni Abu Dabi shahridagi Shayx Zoid nomidagi xalqaro aeroportga Toshkent—Abu-Dabi yo‘nalishi bo‘yicha Wizz Air aviaqatnovi orqali uchib kelgan 31 nafar O‘zbekiston fuqarosi noma’lum sabablarga ko‘ra amirliklar hududiga kiritilmagandi. Ular aeroportdan chiqarilmagan va bir sutkadan ortiq qolib ketgan.
O‘zbekistonning BAAdagi elchixonasi vaziyat nazoratda ekanini ma’lum qildi, biroq yo‘lovchilar diplomatik missiya vakillarini ko‘rmaganini va ularga hech qanday yordam ko‘rsatilmaganini aytgan. Toshkentga qaytganlarning barchasi chiptalarni o‘z hisobidan sotib olgan.
“Qo‘lga olishlar aynan Abu-Dabida sodir bo‘lmoqda. Biz bilan birga yoki keyinroq Dubayga uchib kelgan tanishlarimiz hech qanday muammoga duch kelmadi”, degan Toshkentga qaytib kelgan yo‘lovchilardan biri.
Wizz Air vakili Muhammadyusuf Muhammadusmonovning bildirishicha, kiritilmagan fuqarolarning barchasiga qaytish chiptasi qilinib, O‘zbekistonga olib kelinyapti.
Erkinjon Turdimovning yangi ish joyi ma’lum bo‘ldi
Adiz Boboyev Samarqand viloyati hokimi vazifasini bajaruvchi etib tayinlandi
Kelgusi hafta boshi uchun ob-havo prognozi e’lon qilindi
