AQShda o‘tkazilgan oraliq saylovlarda demokrat Abdul El-Sayed Michigan shtatidan Senatga saylanib, mamlakat tarixida bu lavozimga saylangan birinchi musulmon sifatida tarixga kirdi.
Reuters agentligining xabar berishicha, 42 yoshli El-Sayed 3 noyabrdagi saylovda respublikachilar nomzodi, sobiq kongressmen Mayk Rojersni mag‘lub etgan. Bu natija AQSh ommaviy axborot vositalarining saylov prognozlari asosida e’lon qilingan.
Misrlik muhojirlar oilasida tug‘ilgan El-Sayed shifokor va jamoat salomatligi sohasi mutaxassisi hisoblanadi. U avval Detroyt shahri sog‘liqni saqlash tizimida rahbarlik lavozimida ishlagan.
Saylovoldi kampaniyasida u tibbiy xizmatdan foydalanish imkoniyatlarini kengaytirish, aholi xarajatlarini kamaytirish va AQShning Isroilga harbiy yordamini to‘xtatish tarafdori bo‘lgan.
El-Sayed 2027 yil yanvarda yangi Kongress ish boshlagach, AQSh Senatida faoliyat yuritgan birinchi musulmonga aylanadi.