Abbos Fayzullayev Konferensiyalar Ligasi uchrashuvini o‘tkazib yuboradi

Yarim himoyachi Abbos Fayzullayev "Istanbul Bashakshehir"ning Konferensiyalar Ligasi doirasidagi "Viking"ga qarshi uchrashuvida qatnashmaydi.

Bu haqda jurnalist Aleksandr Troiskiy xabar berdi.

"Abbos 14 avgustga qadar bo‘lajak o‘yinlarda ishtirok etishi taqiqlagan. Shuning uchun Fayzullayev norvegiyaliklarga qarshi o‘ynamaydi. Umid qilamizki, "Istanbul Bashakshehir" keyingi bosqichga chiqadi, shunda Abbos bu mavsumda yevrokuboklarda debyut qilishi mumkin.

Ko‘rinishidan, futbolchini ro‘yxatdan o‘tkazish bilan bog‘liq muammolar yuzaga kelgan. Balki bu transfer Rossiya klubidan amalga oshirilgani bilan bog‘liqdir", – deyiladi xabarda.