7,5 yilga qamalgan “Toshshahartransxizmat”ning sobiq rahbari Anvar Jo‘rayev ozodlikka chiqdi

Jinoyat ishlari bo‘yicha Yunusobod tuman sudining 2025 yil 3 fevraldagi hukmiga ko‘ra, “Toshshahartransxizmat” AJ sobiq rahbari Anvar Jo‘rayev davlat mulkini talon-toroj qilish, mansab soxtakorligi kabi moddalarda aybdor deb topilib, 7,5 yilga ozodlikdan mahrum qilingandi .

2025 yil 5 iyundagi Toshkent shahar sudi jinoyat ishlari bo‘yicha apellyasiya instansiyasi sudlov hay’ati ajrimi bilan, Anvar Jo‘rayevga tayinlangan jazo o‘zgartirildi. Unga uzil-kesil o‘tash uchun 3 yil muddatga “Toshshahartransxizmat” AJ tizimida mansabdorlik va moddiy javobgarlik yuklatilgan lavozimlarda ishlash huquqidan mahrum qilib, 4,5 yil muddatga ozodlikni cheklash jazosi tayinlandi.