31 yoshli Xarri Keyn ilk bor sovrin yutdi!

Xarri Keyn faoliyatidagi ilk sovrinni 31 yoshida qo‘lga kiritdi.

Angliyalik forvard "Bavariya" tarkibida Germaniya chempioniga aylandi. U klubdagi ikkinchi mavsumini o‘tkazmoqda.

Keyn avval "Tottenxem"da 12 mavsum o‘ynagan, biroq Angliya Premyer-ligasi, ichki yoki xalqaro kubok musobaqalarida g‘olib chiqmagan. Uning hisobida Premyer-liganing 320 o‘yinida 213 ta gol bor.

Shuningdek, hujumchi Angliya terma jamoasi tarkibida hech qanday sovringa ega emas. Eng yaxshi natija – ikki Yevropa chempionati finali (2021 yilda Italiya bilan 1:1, 2:3, 2024 yilda Ispaniya bilan 1:2). Keyn Angliya terma jamoasi safida 105 ta uchrashuvda 71 ta gol urgan.