2025 yilning birinchi yarmida Rossiyada eng ko‘p talab qilingan kasblar qaysi?

Sotuvchi, menejer va haydovchi – 2025 yilning birinchi yarmida Rossiyada eng ko‘p talab qilingan kasblar bo‘ldi.

“Sotuvchi-kassirlar va sotuvchi-maslahatchilar uchun 358 ming taklif joylashtirildi. Ikkinchi o‘rinda sotuv va mijozlar bilan ishlash bo‘yicha menejerlar turibdi. Kompaniyalar bunday mutaxassislar uchun 348,5 mingdan ortiq takliflarni joylashtirdi”, - deyiladi RIA Novosti uchun maxsus tayyorlangan “Headhunter” xizmati ma’lumotlarida.

Haydovchilar so‘nggi olti oyda eng ko‘p talab qilingan mutaxassislar orasida uchinchi o‘rinni egalladi - deyarli 157 ming bo‘sh ish o‘rni e’lon qilingan.