Bu haqda Shveysariyaning UBS banki e’lon qilgan yillik Global boylik hisobotida (Global Wealth Report) ma’lum qilindi. Bank hisobotni tayyorlash uchun dunyo boyligining 92 foizdan ortig‘ini o‘z ichiga olgan 56 ta bozorni tahlil qilib chiqdi.
Moliya bozorlarining barqaror o‘sishi hisobiga 2025 yilda dunyo miqyosida jami shaxsiy boylik 10,8 foizga oshdi. Taqqoslash uchun, bu ko‘rsatkich 2024 yilda 4,6 foizni, 2023 yilda esa 4,2 foizni tashkil etgandi.
UBS ekspertlarining ta’kidlashicha, 2025 yilda har qachongidagidan ham ko‘proq millionerlar paydo bo‘ldi. Bu o‘sishning deyarli yarmi AQSh hisobiga to‘g‘ri keldi. Mamlakatda 440 mingdan ortiq kishi millionerlar qatoriga qo‘shilgan. AQSh dollaridagi boylik Yevropada ham nomutanosib ravishda tez o‘sdi. Bu 2025 yilda dollarning yevroga nisbatan qadrsizlanishi bilan izohlandi.
O‘rtacha boylik miqdori oshgan bo‘lsa-da, 2020 yildan beri odamlar o‘rtasidagi iqtisodiy tengsizlik yanada chuqurlashdi. Jamiyatning o‘rta qatlamini aniqroq ko‘rsatuvchi median boylik darajasi ko‘plab davlatlarda pasaygan. Bankning qayd etishicha, bu holat eng badavlat insonlar va oddiy aholi o‘rtasidagi farq tobora kattalashib borayotganidan dalolat beradi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
