1:5 — Anchelottini ketkazgan o‘yin!

Madridning "Real" va Karlo Anchelotti bir-biridan ajralish arafasida. Italiyalik mutaxassis mavsum yakunida o‘z lavozimini tark etadigan ko‘rinadi, uning o‘rniga esa "Bayer" Leverkuzen klubidan Xabi Alonso tayinlanadi.

Cadena SER xabariga ko‘ra, "qaymoqranglilar" rahbariyatining Anchelotti bilan munosabatlaridagi burilish nuqtasi Chempionlar Ligasi 1/4 finalining Londonning "Arsenal" klubiga qarshi javob o‘yini bo‘ldi. Madridliklar "Santyago Bernabeu"da 1:2 hisobida mag‘lub bo‘lishdi va "kanonirlar"ga umumiy hisobda 1:5 hisobida yutqazib, turnirni tark etishdi, shundan so‘ng "Real" murabbiyning jamoadagi vaziyatni yaxshi tomonga o‘zgartirish qobiliyatiga ishonchini butunlay yo‘qotdi.