Dunyo miqyosida taniqli aktyor va rejissyorlardan iborat 1 300 nafardan ortiq kino ijodkorlari Isroilning Falastin xalqiga nisbatan olib borayotgan siyosati va G‘azodagi fojealarga norozilik sifatida keskin bayonot bilan chiqdi.
"Oskar", BAFTA, "Emmi" va Kann kinofestivali kabi nufuzli mukofotlar sovrindorlari ham imzolagan murojaatda Isroil kino markazlari bilan hamkorlikni to‘xtatish qarori e’lon qilindi. San’atkorlarning ta’kidlashicha, bu muassasalar Falastin xalqiga qarshi amalga oshirilayotgan genosid jarayonida bilvosita ishtirok etmoqda.
Bayonotda quyidagilar qayd etilgan:
"G‘azoda qon to‘kilayotgan bir paytda sukut saqlash – daxshatga sheriklikdir. Biz inson qadr-qimmati va erkinligi yo‘lida ovozimizni ko‘tarishimiz shart".
San’atkorlar, shuningdek, BMT Xalqaro sudi qaroriga murojaat qilib, "G‘azoda genosid xavfi mavjud"ligini eslatdilar. Ularning fikricha, kino nafaqat ko‘ngilochar vosita, balki jamiyatni uyg‘otuvchi kuchli maydon bo‘lib qolishi kerak.
Murojaatni Emma Stoun, Oliviya Kolman, Xavyer Bardem, Mark Ruffalo, Riz Ahmad, Tilda Svinton, Syuzan Sarandon kabi mashhur ijodkorlar imzoladi.
"UzAuto Motors" 8 ta yangi model chiqarmoqchi
Jazoir Isroildan qo‘rqmaydimi?
BAA prezidenti Qatarga keldi, Iordaniya va Saudiya vorislari tashrif buyurishi kutilmoqda
