Qo‘shma Shtatlar harbiy kuchlari Hindiston, Malayziya va Shri-Lanka qirg‘oqlari yaqinida Tehron bayrog‘i ostida harakatlanayotgan kamida uchta neft tankerini to‘xtatdi va ularni o‘zlari tomon yo‘naltirdi. Vashington tomonidan Eronning dengiz savdosiga qo‘yilgan blokada doirasida amalga oshirilgan ushbu harakatlar global energetik inqirozni yanada keskinlashtirmoqda.
Qo‘lga olingan kemalar orasida xom neft bilan to‘ldirilgan "Deep Sea", "Sevin" va "Dorena" supertankerlari bor. AQSh Markaziy qo‘mondonligi (CENTCOM) "Dorena" tankeri blokadani buzishga uringani uchun Hind okeanida harbiy esmines kuzatuvi ostida ekanini tasdiqladi.
O‘z navbatida, Eron ham Ho‘rmuz bo‘g‘ozidan chiqishga uringan ikkita konteyner kemasini qo‘lga olganini ma’lum qildi. Dunyo bo‘ylab neft va gaz yetkazib berishning beshdan bir qismi o‘tadigan ushbu bo‘g‘ozdagi keskinlik tinchlik muzokaralarida aniqlik yo‘qligi sabab davom etmoqda.
Tehron Eron kemasini qo‘lga olganidan keyin AQSh harbiy kemalariga hujum qildi
Eron Isroil bilan aloqa qilganligi uchun yuqori lavozimli amaldorni qatl qildi
Eron AQShni “yakuniy jazo” bilan tahdid qildi
