Agentlikning o‘z manbalariga tayanib xabar berishicha, Federal qidiruv byurosi (FQB) sobiq maxsus prokuror Jek Smit jamoasida ishlagan va prezident Donald Trampning faoliyatini tergov qilgan to‘rt nafar agentni ishdan bo‘shatgan.
Avvalroq AQSh Senatining yuridik qo‘mitasi raisi, respublikachi Chak Grassli Smit jamoasi olib borgan tergovga oid ming betdan ortiq hujjatlarni e’lon qilgan edi. Mazkur hujjatlarda tergovda ishtirok etgan FQB va Adliya vazirligi xodimlarining ismlari yashirilmagan.
Jek Smit Donald Trampga federal saylovlar jarayoniga aralashish, ya’ni tarafdorlarining Kapitoliyga bostirib kirishi hamda maxfiy hujjatlar bilan noo‘rin muomala qilish bo‘yicha ayblovlar qo‘ygan edi. Biroq 2024 yilning noyabr oyida Tramp prezidentlik saylovlarida g‘alaba qozonganidan so‘ng, maxsus prokuror bu tergovni to‘xtatdi.
Shu bilan birga, Smit o‘z qo‘lida Trampni sudda ayblash uchun yetarli dalillar borligini ta’kidladi, ammo uning prezident etib saylanishi sud ta’qibini imkonsiz qilganini bildirdi.
Rossiya aktivlarining Ukraina foydasiga musodara qilinishiga qarshi chiqqan YEI davlatlari nomlari e’lon qilindi
Kim Chen Inning salomatligiga doir ayrim ma’lumotlar oshkor qilindi
Yadroviy “Burevestnik” raketasining sinovlari AQShni Rossiya shartlarini qabul qilish va Moskva bilan muzokaralar stoliga o‘tirishga majbur qilishga qaratilgan
