Livanda hukumat Hizbulloh qo‘lidami?

AQSh maxsus elchisi Tom Barrak Livanni inqirozga yuz tutgan davlat deb atab, “Hizbulloh” hokimiyatga aylanganini ta’kidladi.

“Livan — inqirozga yuz tutgan davlat. Markaziy bank mavjud emas, bank tizimi ishdan chiqqan. Elektr energiyasi deyarli yo‘q — odamlar xususiy generatorlarga tayanadi. Suv va ta’lim ham xususiy sektorga bog‘liq. Aslida hukumat Hizbulloh qo‘liga o‘tib qolgan. Guruh mamlakat janubida aholini suv va ta’lim bilan ta’minlaydi. Hizbullohda 40 ming jangchi bor, Livan armiyasida esa 60 ming. Ammo ularning maoshi 275 dollar, Hizbulloh jangchilari esa oyiga 2200 dollar topadi”, degan Barrak Barhraynda o‘tkazilgan xalqaro anjumanda.