Olmaotada ko‘p a’zoli donorlik jarayoni o‘tdi: olti bemor hayoti saqlab qolindi

Olmaota shahrining Markaziy shahar klinik kasalxonasi bazasida vafot etgan donordan, 1962 yilda tug‘ilgan ayoldan ko‘p a’zoli organlar olish amaliyoti o‘tkazildi.

Donorning yaqinlari roziligi tufayli bir necha hayotiy muhim organlarni transplantasiya qilish imkoniyati paydo bo‘ldi:

Yurak – 1988 yilda tug‘ilgan bemorga;

Jigar – 1982 yilda tug‘ilgan bemorga;

O‘ng buyrak – 1996 yilda tug‘ilgan bemorga;

Chap buyrak – 2017 yil oktyabridan transplantasiya kutayotgan 1966 yilda tug‘ilgan bemorga;

Ko‘z shox pardasi – 1983 va 1956 yilda tug‘ilgan bemorlarga ko‘rish imkonini qaytargan.

Jarayonni tashkil qilish va muvofiqlashtirishni Olmaotaning yetakchi transplantasiya markazlari bilan hamkorlikda Qozog‘iston Respublikasi Sog‘liqni saqlash vazirligi Respublika transplantasiya va yuqori texnologiyali tibbiy xizmatlarni muvofiqlashtirish markazi ta’minladi. Bu jarayonda “Kardiologiya va ichki kasalliklar ilmiy-tadqiqot instituti” AK, “Sizg‘anov nomidagi Milliy jarrohlik ilmiy markazi” AK hamda Olmaota shahridagi “Markaziy shahar klinik kasalxonasi” SHJQ KMK ishtirok etdi.

Donor yoshiga qaramay, shifokorlar organlarning yaxshi holatda ekanini va ularning keyingi faoliyati imkoniyatini ta’kidladilar. Bu hayotni saqlashda yoshning to‘siq emasligini yana bir bor tasdiqlaydi.

Respublikalik markaz donor oilasiga ularning jasoratli qarorlari uchun, shuningdek, juda murakkab jarayonni yuqori darajada amalga oshirish imkonini bergan tibbiyot mutaxassislariga katta minnatdorlik bildirdi.