Ukraina prezidenti Vladimir Zelenskiy Ukraina uzoq masofaga mo‘ljallangan qurollarining geografik ko‘lamini kengaytirish maqsadlarini belgilaganini ma’lum qildi.
Bu haqda u o‘zining Telegram-kanalida yozdi.
Zelenskiyning ta’kidlashicha, ma’lum bir davrdagi uzoq masofalarga berilgan zarbalar samaradorligi va erishilgan muvaffaqiyatlar Oliy Bosh qo‘mondonlik shtabining yig‘ilishida tahlil qilingan.
"Rossiya neftni qayta ishlash sanoati allaqachon urush tufayli katta yo‘qotishlarga duchor bo‘lmoqda va bundan keyin ham shunday bo‘ladi. Biz uzoq masofaga uchuvchi qurollarimiz geografik ko‘lamini kengaytirish maqsadlarini belgilab oldik", - deya ta’kidladi Ukraina rahbari.
U, shuningdek, qurol ishlab chiqaruvchilar bilan tuzilgan shartnomalar sonining ko‘payishini e’lon qildi. Uning so‘zlariga ko‘ra, "uch yillik muddat ishlab chiqaruvchiga zarur resurslardan foydalanishni yaxshiroq rejalashtirish va qo‘shinlarga etkazib berishni kengaytirish imkonini beradi".
Bundan tashqari, uchrashuvda Rossiyaning Ukraina infratuzilmasi va energetika ob’ektlariga zarbalari muhokama qilindi.
"Biz yangi mudofaa ehtiyojlari va sheriklar bilan havo mudofaasini xarid qilishning muayyan yo‘nalishlarida ishlash bo‘yicha vazifalarni belgilab oldik. Hamkorlarimiz zarur tizimlarga ega va Ukraina diplomatiyasi uchun tegishli yechimlarni faolroq ishlab chiqish muhim", - deya ta’kidladi Zelenskiy.
AQShning Toshkentda tug‘ilgan mulozimi O‘zbekistonga kelyapti
Toshkentda bo‘lajak kuyov qizni aldab, hovlisini sotib yuborgani yuzasidan rasmiy ma’lumot berildi
Xarkovda Ukraina qurolli kuchlarining bir guruh diversantlari yo‘q qilindi
