Umar Kremlyov Rossiya sportchilarini xalqaro arenalarda himoya qilmoqchi

Xalqaro boks assosiasiyasi (IBA) prezidenti Umar Kremlyov Rossiya sportchilarini xalqaro arenalarda himoya qilish haqida fikr bildirdi.

"Barcha federasiyalarga shunchaki aytmoqchiman — qo‘rqmanglar. Sportchilarni himoya qilish uchun olg‘a yurish kerak. Agar bizga to‘siq bo‘lsa, uni yorib o‘tish lozim — barchamiz bayroq va madhiya bilan chiqishimiz kerak. Agar bu bo‘lmasa, biz parallel musobaqalar o‘tkazamiz.

Biz — Xalqaro boks assosiasiyasi — Xalqaro olimpiya qo‘mitasidan ajralib chiqdik. Endi jahon chempionatini Olimpiadadan ham muhim deb e’lon qildik. Negaki, biz boksni butun dunyo bo‘ylab rivojlantiryapmiz. Qaysi chempionat asosiy bo‘lishi kerak? Albatta, bizniki. Olimpiya futboli haqida hech kim gapirmaydi-ku.

Biz o‘z o‘yinimizni o‘ynashimiz kerak. Assosiasiya nizomini himoya qilish zarur. Hozir boks assosiasiyasi shuni qildi. Homiylar jahon chempionatiga kelishdi — faqat telexuquqlar $30 mln turadi. Kelasi yil bu raqamni $150 mln gacha yetkazamiz. Biz aslida FIFA qilgan ishni takrorladik — ajralib chiqdik va jahon chempionatini Olimpiadadan muhimroq qildik", — dedi Kremlyov.