Saudiyaliklar «Barsa»ga Yamal uchun 400 million yevro taklif qildimi?

"Barselona"da Lamin Yamal transferi bo‘yicha taklif yo‘q.

Avvalroq, Ispaniya matbuotida "Al-Hilol" 18 yoshli vinger uchun 400 million yevro va futbolchi uchun 7 yillik shartnoma taklif qilgani haqida xabarlar tarqalgan edi.

Kataloniya klubi bunday taklif olganini rad etib, Lamin Yamal sotilmasligini ta’kidladi, deb yozadi Marca.

Bundan tashqari, ushbu yozda vinger "Barselona" bilan shartnomasini 2031 yilgacha uzaytirdi.

Bu mavsumda ispaniyalik futbolchi La Ligada 4ta o‘yinda 2ta gol urdi va 3ta golga assistentlik qildi.