Sirdaryo viloyatida sifatsiz neft mahsulotlarini sotuvga chiqargan AYOQShga nisbatan chora ko‘rildi

O‘zenergoinspeksiyaning Sirdaryo viloyati hududiy boshqarmasi tomonidan o‘tkazilgan nazorat tadbirlari davomida “G.O.T.” MCHJga qarashli avtomobillarga yoqilg‘i quyish shoxobchasida (AYOQSh) AI-80 markali avtobenzindan namunalar olinib, laboratoriya tahliliga yuborildi.

Tahlil natijasiga ko‘ra, mazkur yoqilg‘i mahsuloti davlat standartlari talablariga javob bermasligi — ya’ni sifatsiz ekani aniqlandi.

Mazkur qonunbuzarlik holati yuzasidan O‘zbekiston Respublikasining 940-sonli Qonunining 43-moddasiga muvofiq, realizasiya qilingan neft mahsuloti qiymatining 50 foizi miqdorida — 18,7 million so‘m jarima qo‘llanildi.

1️⃣ Shu bilan birga, sifatsiz mahsulotlarning qolgan qismini sotuvga chiqarmaslik hamda ularning sifatini tiklash choralarini ko‘rish bo‘yicha rasmiy ko‘rsatma berildi.