XAMAS va Isroil o‘rtasidagi bilvosita muzokaralar qachon bo‘lib o‘tishi e’lon qilindi

Isroil va Falastinning HAMAS harakati o‘rtasidagi bilvosita muzokaralarning yangi raundi 6 oktyabr kuni Misrda bo‘lib o‘tadi.

Bu haqda Misr Arab Respublikasi tashqi ishlar vazirligi ma’lum qildi.

"Muzokaralar Misrda 6 oktyabr kuni XAMAS va Isroil delegasiyalari ishtirokida bo‘lib o‘tadi. Tomonlar AQSh prezidenti Donald Trampning rejasiga (G‘azo sektoridagi mojaroni hal qilish uchun) muvofiq isroillik garovga olinganlarni falastinlik asirlarga almashish uchun sharoit yaratish masalasini muhokama qilishni rejalashtirmoqda", - deyiladi Misr TIV matbuot xizmatida.