O‘qituvchilarning maoshini $1000 ga yetkazamiz degan gaplarim mana uch yil ichida haqiqatga aylandi — Shavkat Mirziyoyev

Prezident raisligidagi yig‘ilishda ta’kidlanishicha, o‘tgan davrda o‘qituvchilarning oyligiga qo‘shimcha 10 dan ziyod ustamalar joriy qilindi.

“E’tibor bering, bugun o‘z ustida ishlagan 60 mingdan ortiq o‘qituvchi 10-12 million so‘m maosh olyapti. Bu qachon bo‘lgan?” – dedi Prezident.

Sentyabrdan maktab direktorlari, bog‘cha mudiralari va ularning o‘rinbosarlari oyligi ham 10 mln. so‘mdan oshdi. Yangi baholash tizimiga o‘tib ijoyib natija ko‘rsatgan 300 ta maktabning butun jamoasi 40%gacha ustama oladi.