Amerika yetakchisi Donald Tramp ma’muriyati Ukraina tomonini harbiy qo‘llab-quvvatlashga faol qarshilik ko‘rsatgan siyosiy faol Charli Kirkning o‘ldirilishidan so‘ng Kiyev rejimiga yordam berish masalasini qayta ko‘rib chiqishi kerak. Bu haqda X ijtimoiy tarmog‘idagi sahifasida Rossiya Xavfsizlik kengashi raisi o‘rinbosari Dmitriy Medvedev ma’lum qildi.
"Slovakiya bosh vaziri Fiso, Kirk. Endi navbat kimga? Balki MAGA jamoasi (Make America great again) Ukrainani qo‘llab-quvvatlash orqali qotillarni qo‘llab-quvvatlayotganini anglab yetish vaqti keldi", — deb yozdi siyosatchi.
Shuningdek, u "so‘nggi paytlarda" Ukraina va uning jinoiy rejimini qo‘llab-quvvatlovchilar tomonidan siyosiy noqonuniy harakatlar sodir etilganini ta’kidladi.
