AQSh va Yevropa amerikalik xususiy harbiy kompaniyalarni Ukrainaga yuborish masalasini muhokama qilmoqda — The Telegraph

Gazetaning yozishicha, mazkur reja Trampning Kiyev nazorati ostidagi hududlarga AQSh muntazam qo‘shinlari joylashtirmasligi haqidagi va’dasi buzilmasligi uchun murosaviy yechim sifatida ko‘rilmoqda.

Nashr manbalariga ko‘ra, Qo‘shma Shtatlarning xususiy harbiy kompaniyalari Ukrainada oldingi chizig‘dagi mudofaa istehkomlarini tiklash, yangi harbiy bazalar qurish va amerikalik kompaniyalarni qo‘riqlash ishlarida qatnashishi mumkin. Shuningdek, ularning mavjudligi Vladimir Putinning erishiladigan o‘t ochishni to‘xtatish kelishuvini buzishining oldini olish uchun tiyib turuvchi omil sifatida baholanmoqda.

"Bundan tashqari, Ukrainada xavfsizlik kafolatlarini ta’minlashga qaratilgan boshqa rejalar ham muhokama qilinmoqda. Yakuniy tafsilotlar, jumladan, havo patrullari missiyalari, harbiylarni tayyorlash va Qo‘shma Shtatlarning Qora dengizdagi mavjudligini ta’minlash bo‘yicha rejalar yaqin kunlarda e’lon qilinishi mumkin", deya yozmoqda The Telegraph.