Axios: Tramp Ukraina bo‘yicha muzokaralardan chiqishni o‘ylamoqda

AQSh prezidenti Donald Tramp toki tomonlardan biri yoki ikkalasi ham ko‘proq moslashuvchanlik namoyon etmaguncha, Rossiyaning Ukrainaga qarshi urushini to‘xtatish bo‘yicha diplomatik sa’y-harakatlardan voz kechish imkoniyatini jiddiy ko‘rib chiqmoqda, deb yozadi nashr Oq uydagi yuqori lavozimli amaldorga tayanib.

"Biz shunchaki o‘tirib, kuzatamiz. Ular yana biroz urushishsin, nima bo‘lishini ko‘ramiz", — degan Axios manbasi.

Maqolada qayd etilishicha, ayrim amerikalik amaldorlar yevropalik yetakchilarni mojaroni hal etish yo‘lidagi “asosiy to‘siq” deb hisoblashadi. Ularning fikricha, yevropaliklar Kiyevni Moskvadan “haqiqatdan yiroq hududiy yon berishlarni talab qilishga” undamoqda va Ukraina prezidenti Volodimir Zelenskiyga “yaxshiroq kelishuv”ga erishishi uchun bosim o‘tkazmoqda.