AQSh Suriyadagi hukumatni o‘zgartirish niyatida emas

AQSh Suriyadagi hukumatni o‘zgartirish niyatida emas.

Bu haqda AQShning Suriya bo‘yicha maxsus vakili va Anqaradagi elchisi Tom Barak ma’lum qildi.

Uning ta’kidlashicha, AQSh ham Suriyaga qo‘shin jo‘natish niyatida emas: "Vashingtonning ustuvor yo‘nalishi terrorizmga qarshi kurashdir".

Diplomat, shuningdek, mamlakat kelajagi borasida amaldagi prezident Ahmad Al-Shaarga ishonishini ta’kidladi.

"Men unga ishonaman. Ishonchim komilki, uning maqsadlari biznikiga to‘g‘ri keladi. Bu Suriyada barqarorlikni ta’minlamoqda. Biroq turli etnik va diniy talablar bu jarayonni murakkablashtirmoqda", - deya ta’kidladi siyosatchi.