Indoneziya prezidenti nima uchun Xitoyga tashrif buyurmagani ma’lum bo‘ldi

Indoneziya prezidenti Prabovo Subianto Ikkinchi jahon urushi tugaganining 80 yilligiga bag‘ishlangan tantanalarda ishtirok etishi kerak bo‘lgan Xitoyga safarini bekor qilishga qaror qildi.

Bu haqda Reuters agentligi xabar berdi.

Indoneziya rahbarining idorasiga ko‘ra, bu qaror “mamlakatdagi ichki vaziyat tufayli” qabul qilingan.

Eslatib o‘tamiz, Indoneziyada kasaba uyushmalarining ish haqini oshirish, ommaviy ishdan bo‘shatishni to‘xtatish va soliq islohotini talab qilgan namoyishlari bilan boshlangan ommaviy norozilik namoyishlari bo‘lib o‘tmoqda. Indoneziya sharqidagi Makassar shahrida shahar kengashi binosida namoyishchilar tomonidan boshlangan yong‘in natijasida 3 kishi halok bo‘ldi, 5 kishi yaralandi.