O‘zbekiston elchixonasi ko‘magida Malayziya deportasiya markazida saqlanayotgan va murakkab ahvolga tushib qolgan ikki nafar vatandoshimiz yurtimizga qaytariladi.
Ushbu insonparvarlik ko‘magi mamlakatimizda e’lon qilingan 30 iyuldan 30 avgustgacha bo‘lib o‘tayotgan "Vatanga qaytarish" aksiyasi doirasida amalga oshirilyapti.
O‘zbekiston elchixonasi xodimlari Malayziya Ichki ishlar vazirligi Xorijiy fuqarolarni vaqtincha saqlash markazi rahbariyati bilan uchrashuv o‘tkazdi. Unda deportasiya markazidagi Farg‘ona viloyatida tug‘ilgan vatandoshimiz M.YU.ni tez kunlarda O‘zbekistonga qaytarish bo‘yicha kelishuvga erishilgan.
Yurtdoshimizning pasporti yo‘qligi sababli unga elchixona tomonidan Vatanga qaytish guvohnomasi rasmiylashtirib berildi va uning yaqinlari ko‘magida "Kuala-Lumpur – Toshkent" yo‘nalishi bo‘yicha aviareysga aviachipta xarid qilindi.
Shuningdek, "Vatanga qaytarish" aksiyasi doirasida Kuala-Lumpur shahrida murakkab vaziyatda qolib ketgan Samarqand viloyatida tug‘ilgan fuqaro J.M.ga ham ko‘mak berildi.
Diplomatik vakolatxona J.M.ga Malayziya IIV Migrasiya departamenti tomonidan mamlakatni tark etish uchun maxsus ruxsatnoma olishda amaliy yordam ko‘rsatdi.
Kuala-Lumpurdagi vatandoshlarimiz tez kunlarda O‘zbekistonga, ya’ni o‘z oilalari bag‘riga qaytariladi.
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
Toshkentdagi janjal yuzasidan rasmiy bayonot berildi
Rossiya Qurolli Kuchlari "Azov" texnikalarini yo‘q qildi (video)
