Niderlandiya endi boshpana izlovchilarni qabul qilmaydimi?

Niderlandiyaning o‘ta o‘ngchi Ozodlik partiyasi boshpana izlovchilarni qabul qilishni to‘liq to‘xtatish va qochqinlarni joylashtirish markazlarini yopish, shuningdek, muhojirlar kamida bitta sudlanganlikdan keyin ularni mamlakatdan chiqarib yuborish tarafdori.

Bu haqda partiyaning navbatdan tashqari parlament saylovlari uchun tayyorlangan dasturida aytilgan.

"Biz qochqinlarni joylashtirish markazlarini yopamiz va ularni mamlakatda qabul qilishni butunlay taqiqlaymiz", — deyiladi dastur hujjatida. Partiya ma’lumotlariga ko‘ra, Niderlandiyada har 11 kunda "bitta yangi qochqinlarni qabul qilish markazi ochiladi" va 300 dan ortiq bunday muassasalar faoliyat ko‘rsatmoqda.

Partiyaning migrasiya siyosati bo‘limida ham shunday deyilgan: "Muhojirlar, jumladan, qochqin maqomiga ega bo‘lganlar, agar jinoiy javobgarlikka tortilgan bo‘lsa, darhol deportasiya qilinishi kerak. Fuqarolikka qabul qilish natijasida Gollandiya pasportini olgan ikki fuqarolikka ega bo‘lgan shaxslar og‘ir jinoyat sodir etgan taqdirda, qirollikdan chiqarib yuborilishi kerak".

Bundan tashqari, partiya Niderlandiyaning migrasiya va boshpana masalalari bo‘yicha YEI qarorlarini amalga oshirishda ishtirok etmaslik va to‘siqlar yuzaga kelgan taqdirda ushbu sohadagi bir qator xalqaro shartnomalardan chiqish huquqiga erishish niyatini ma’lum qildi. Bundan tashqari, noqonuniy migrantlarga yordam berganlik uchun jinoiy jazo joriy etish taklif qilinmoqda.

Niderlandiya parlamenti quyi palatasiga muddatidan oldin saylovlar 2025 yilning 29 oktyabriga, Ozodlik partiyasining chiqishi natijasida hukmron koalisiya parchalanganidan keyin o‘tkazilishi rejalashtirilgan edi.