Kiyev olti hafta ichida Amerikaning 3000 dan ortiq ERAM raketalarini oladi, lekin ulardan foydalanish uchun AQShning ruxsati kerak bo‘ladi

Shu hafta boshida AQSh ma’muriyati Kiyevga 3300 ta ERAM (Extended Range Attack Munition) havodan uchiriladigan raketalarni sotishni ma’qullagan edi. Ular olti hafta ichida Ukrainaga yetib boradi.

Bu haqda manbalarga tayanib xabar berdi.

Ularning ma’lumotlariga ko‘ra, harbiy yordam paketining umumiy miqdori 850 million dollarni tashkil qilgan. Bu mablag‘ning salmoqli qismi Yevropa davlatlari tomonidan ajratilgan. Gazeta transhga ERAM raketalaridan tashqari yana nimalar kiritilganiga aniqlik kiritmaydi, biroq AQSh ma’muriyati buni tasdiqlashni AQSh prezidenti Donald Trampning Rossiya yetakchisi Vladimir Putin va Vladimir Zelenskiy bilan uchrashuvlarigacha qoldirganini ta’kidlaydi.

The Wall Street Journal ma’lumotlariga ko‘ra, bu raketalarning masofasi 150-280 milya (240-450 km). Bu shuni anglatadiki, Ukraina, ehtimol, harbiy amaliyotlar paytida ulardan foydalanish uchun Pentagondan ruxsat so‘rashi kerak bo‘ladi.