Zelenskiy Yelsinning qizi va Putinning sobiq rafiqasiga qarshi sanksiyalar kiritdi

Ukraina prezidenti Vladimir Zelenskiy imzolagan farmonga ko‘ra, 74 nafar shaxsga, jumladan, 65 nafar rossiyalikga nisbatan shaxsiy sanksiya qo‘llagan.

Bu haqda RBK-Ukraina nashri xabar bermoqda.

Ukraina sanksiyalari ro‘yxatiga kiritilganlar orasida Rossiyaning birinchi prezidenti Boris Yelsinning qizi va maslahatchisi Tatyana Yumasheva va uning turmush o‘rtog‘i, prezident ma’muriyatining sobiq rahbari Valentin Yumashev ham bor. Shuningdek, ro‘yxatda Avstriyaning sobiq tashqi ishlar vaziri Karin Knaysl, Tatariston sobiq rahbari Mintimer Shaymiyev va uning oila a’zolari, Moskva meri o‘rinbosarlari Anastasiya Rakova, Natalya Sergunina, Moskva shahar dumasi raisi Aleksey Shaposhnikov, siyosatshunos Dmitriy Simes, mudofaa vaziri o‘rinbosari Pavel Fradkov ham bor.

Bundan tashqari, ro‘yxatga Vladimir Putinning sobiq rafiqasi Lyudmila Ocheretnaya va uning turmush o‘rtog‘i Artur hamda prezidentning bir qancha qarindoshlari, shuningdek, tadbirkorlar Natalya Kasperskaya, Viktor Xmarin va Ruslan Alisultanovlar kiritilgan.

Ba’zi yangi sanksiyalar Kanada tomonidan ilgari kiritilgan cheklovlarni sinxronlashtirish uchun kiritilgan.

Ma’lum qilinishicha, Vladimir Zelenskiy o‘zining Telegram-kanalida Rossiya bilan biznes yuritayotgani aytilayotgan ayrim davlatlardan 167 kompaniya va jismoniy shaxslarga nisbatan sanksiyalar joriy etilishini ham ma’lum qilgan.

Unga ko‘ra, Kanada tomonidan joriy etilgan sanksiyalar bilan sinxronlashtirish doirasida ro‘yxatga 139 nafar jismoniy va yuridik shaxs qo‘shilgan. Ukraina o‘z-o‘zidan turli davlatlarning yana 28 fuqarosiga nisbatan sanksiyalar kiritdi.