Turkiya tashqi ishlar vaziri Fidan AQSh va Rossiya prezidentlari o‘rtasida Alyaskada bo‘lib o‘tgan uchrashuvdan so‘ng Rossiya va Ukraina tashqi ishlar vazirlari bilan telefon orqali muzokaralar o‘tkazdi.
Diplomatik manbalarga ko‘ra, Rossiya tashqi ishlar vaziri Sergey Lavrov bilan bo‘lgan suhbatda Ukraina urushiga yakun yasash bo‘yicha sa’y-harakatlar hamda Alyaskada o‘tgan AQSh va Rossiya prezidentlari uchrashuvi muhokama markazida bo‘lgan.
Fidan tinchlikka erishish umidida ekanligini ta’kidladi va bu jarayonga Ukraina ham qo‘shilishi zarurligini aytdi. U, shuningdek, Turkiya bu jarayonga o‘z hissasini qo‘shishga tayyorligini bildirdi.
Turkiya tashqi siyosat idorasi rahbari Ukraina tashqi ishlar vaziri Andrey Sibiga bilan ham suhbatlashdi.
Suhbat chog‘ida Donald Tramp va Vladimir Putin Alyaskada o‘tkazgan muzokaralarning ahamiyati muhokama qilindi. Fidan tinchlik faqat Ukrainaning faol ishtirokida amalga oshishini ta’kidladi.
Shu nuqtai nazardan, u 18 avgust kuni Vashingtonda bo‘lib o‘tadigan Ukraina prezidenti Vladimir Zelenskiy va AQSh prezidenti Donald Tramp uchrashuvining ahamiyatiga e’tibor qaratdi.
Turkiya tashqi ishlar vaziri Anqara tinchlik o‘rnatishga qaratilgan diplomatik harakatlarni qo‘llab-quvvatlashda davom etishini va bu jarayonda o‘z rolini bajarishga tayyor ekanini yana bir bor tasdiqladi.
Xitoyliklar ayol o‘rnini bosa oladigan robot ixtiro qildi
AQSh Rossiyaga qurol-yarog‘ bo‘yicha kelishuvni muzokaralar uchun "rag‘bat" sifatida taklif etishi mumkin
Alla Pugachyova Rossiya fuqaroligidan voz kechmoqchi
