Fransiyada listerioz infeksiyasi avj olgani sababli Chavegrand brendining bri va kamamber kabi mashhur yumshoq pishloqlari peshtaxtalardan olib tashlandi, deya xabar beradi Euronews.
Fransiya sog‘liqni saqlash agentligi ma’lumotlariga ko‘ra, 34 yoshdan 95 yoshgacha bo‘lgan 21 kishi pishloqdan zaharlangan. Ikki kishi vafot etgan.
Mutaxassislar bunday holatlar Chavegrand kompaniyasi tomonidan ishlab chiqarilgan pasterizasiyalangan sutdan tayyorlangan pishloqlarni iste’mol qilish bilan bog‘ligini aniqladilar.
Listerioz - kam uchraydigan, biroq o‘limga olib keladigan bakterial infeksiya. Ko‘pincha u ifloslangan oziq-ovqat mahsulotlarini iste’mol qilish orqali yuqadi. Dastlabki alomatlar orasida isitma, mushak og‘rig‘i, diareya va titroq mavjud. Homilador ayollar, chaqaloqlar, qariyalar va immuniteti zaif odamlar xavf ostida.
Fransiya rasmiylari odamlarga pishloqni iste’mol qilmaslikni, agar iste’mol qilsalar, sakkiz haftagacha sog‘lig‘ini kuzatishni maslahat berdilar. Agar ularda isitma, bosh og‘rig‘i yoki titroq paydo bo‘lsa, darhol shifokorga murojaat qilishlari kerak.
Qarshida 150 nafar yo‘lovchili samolyot g‘oyib bo‘ldi
Xitoyliklar ayol o‘rnini bosa oladigan robot ixtiro qildi
Mashhur ovchi uch metrli laqqa tutdi
