Kambodja Tailandga hujum qilganlik ayblovlarini rad etdi

Kambodja qo‘shni Tailandga hujum qilganlik ayblovlarini rad etadi, zudlik bilan va so‘zsiz o‘t ochishni to‘xtatishga chaqiradi

Bu haqda Kambodjaning BMTdagi doimiy vakili Keo Chxea ma’lum qildi.

"Qanday qilib ular bizni, armiyasi uch baravar kam va havo kuchlari to‘liq ta’minlanmagan kichik xalqni Tailand kabi katta qo‘shniga hujum qilishda ayblashlari mumkin? Biz buni qilmaymiz", - dedi diplomat.

Uning so‘zlariga ko‘ra, Kambodja “zudlik bilan va so‘zsiz o‘t ochishni to‘xtatishni” talab qiladi va “nizolarni tinch yo‘l bilan hal etishga” chaqiradi. Pnompen BMT Xavfsizlik Kengashi a’zolari maksimal darajada vazminlik va vaziyatni diplomatik yo‘l bilan hal qilishga chaqirishlarini kutmoqda, deya qo‘shimcha qildi doimiy vakil.

Qurolli to‘qnashuv Kambodja-Tailand chegarasida 24 iyul kuni ertalab Oddar Menchey provinsiyasidagi bahsli chegara zonasi yaqinida sodir bo‘lgan. Xabar qilinishicha, Kambodja Tailand tomon uchuvchisiz uchoqlarni uchirgan va Tailand jangchilariga raketa granatalari bilan hujum qilgan va bu mamlakat qurolli kuchlarini javob qaytarishga majbur qilgan.