Homilador talabalarning stipendiyasiga pul qo‘shiladi

Rossiya prezidenti Vladimir Putin talabalar uchun homiladorlik nafaqasini mintaqaviy yashash minimalining 100 foiziga oshirilishi bo‘yicha qonun loyihasini imzoladi.

Oldin nafaqa 140 kunlik mehnatga layoqatsizlik varaqasi bo‘yicha stipendiya miqdorini tashkil etar edi. Bu esa homiladorlik va tug‘ish ta’tili davomida 9,3 ming rubldan 23,3 ming rublgachani tashkil etardi. Yangi qonun nafaqa o‘rtacha miqdorini 90,2 ming rubl qilib belgilaydi.

Bu kasb-hunar ta’limi, qo‘shimcha kasbiy ta’lim va oliy ta’lim muassasalarda o‘qiyotgan talabalar uchun qo‘llaniladi. Bari federal byudjet mablag‘lari hisobidan amalga oshiriladi.