AQSh Ukrainaga 180 million dollarlik havo hujumidan mudofaa uskunalarini sotishni ma’qulladi

AQSh Davlat departamenti Ukrainaga 180 million dollarlik havo hujumidan mudofaa uskunalarini sotishga ruxsat berdi.

Bu haqda Pentagonning hukumatlararo shartnomalar bo‘yicha harbiy texnika va qurol-yarog‘larni xorijga yetkazib berishga mas’ul bo‘lgan Xavfsizlik bo‘yicha hamkorlik agentligi ma’lum qildi.

Bayonotda aytilishicha, avvalroq Ukraina “xodimlarni tayyorlash, AQShda ishlab chiqarilgan havo hujumidan mudofaa tizimlariga xizmat ko‘rsatish va qayta tiklash maqsadida asbob-uskunalar va xizmatlar sotib olish bo‘yicha so‘rov yuborgan”.

Hujjatda aytilishicha, Ukrainaga asbob-uskunalar va xizmatlar sotilishi “uning joriy va kelajakdagi tahdidlarni qaytarish qobiliyatini kuchaytirishga” xizmat qiladi. Shu bilan birga, AQSh rasmiylari sotuv “AQSh tashqi siyosati va milliy xavfsizlik maqsadlariga mos kelishini” ta’kidlamoqda.

“Ushbu uskuna va xizmatlarni sotish taklif qilinishi mintaqadagi asosiy kuchlar muvozanatini buzmaydi”, deyiladi bayonotda.

Asosiy pudratchilar Amerikaning Sierra Nevada Corporation i V2X, Inc. kompaniyalari, shuningdek, Ukrainaning Radionix i Systems Electronic Export kompaniyalari bo‘ladi. Hujjatda "taklif etilayotgan bitimni amalga oshirish Ukrainaga qo‘shimcha AQSh hukumati vakillari yoki pudratchilarni joylashtirishni talab qilmaydi”, deb tushuntirilgan.