Noqonuniy guruhlar olib chiqib ketilgandan so‘ng, As-Suvayda shahridagi kasalxonada tinch aholi va Damashqdagi yangi hokimiyat nazoratidagi xavfsizlik kuchlariga tegishli bir necha o‘nlab jasadlar topildi.
Bu haqda Suriya Sog‘liqni saqlash vazirligining Telegram’dagi nashrida ma’lum qilingan.
"Noqonuniy qurolli guruhlar As-Suvayda milliy gospitalidan haydab chiqarilgandan so‘ng, u yerda bir necha o‘nlab jasadlar topilgan. Tekshiruvdan so‘ng ular tinch aholi va Suriya xavfsizlik kuchlari xodimlariga tegishli degan xulosaga kelish mumkin", deyiladi xabarda.
As-Suvaydada qoldiqlari topilgan qurbonlarning aniq soni va ularning o‘limi sabablari hozircha oshkor etilmagan.
Suriya sog‘liqni saqlash vaziri Musaab al-Ali SANA agentligiga 15 ta tez yordam mashinasidan iborat karvon hozircha As-Suvayda provinsiyasiga kira olmaydi, chunki u Isroil samolyotlari tomonidan to‘sib qo‘yilgan. "Samolyotlar harakatlanayotgan har qanday transport vositalarini o‘qqa tutmoqda", dedi al-Ali va tez yordam brigadalaridan tashqari, turli ixtisoslikdagi 10 nafar jarroh va ikki mashina As-Suvaydaga dori-darmon va ashyolarni yetkazib berish uchun yuborilganini qo‘shimcha qildi.
Mashhur bloger Abduroziq Dubay aeroportida hibsga olindi
Dilshod To‘raxo‘jayev ishi: Rossiya O‘zbekistonga nota yo‘lladi
“UzAuto Motors” yangi to‘lov shartlarini e’lon qildi
