Tramp hamon Eronni kutmoqda

AQSh prezidenti Donald Tramp Eron o‘zining yadroviy dasturi bo‘yicha muzokaralarni qayta boshlashni xohlayotganini va Vashington bunga tayyor ekanini aytdi.

Tramp bu haqda bosh vazir, Bahrayn valiahd shahzodasi Salmon bin Hamad bin Iso al-Xalifa bilan uchrashuvda ma’lum qilgan.

"Ular muzokaralarni xohlaydilar, muzokaralarni chindan ham xohlashadi. Biz shoshilmayapmiz, chunki biz kelishuvga erishish mumkinligini aytdik. Ular kelishuvga erishishlari kerak edi, keyin biz ularni bir necha joylarda bombardimon qildik", - deya qayd etdi Amerika rahbari.

Davlat departamenti matbuot xizmati rahbari Temmi Bryus Fox News telekanaliga bergan intervyusida aytganidek, Qo‘shma Shtatlar Eron yadro dasturi bo‘yicha muzokaralarni qayta boshlash tashabbusi Tehrondan chiqishini kutmoqda.

"To‘p ularning maydonida va AQSh prezidenti Donald Tramp Eron muzokaralarni boshlashini kutmoqda, chunki bu uning manfaatlariga mos", — dedi u.

Avvalroq Axios AQSH, Buyuk Britaniya, Germaniya va Fransiya Eron bilan yadroviy bitim tuzish uchun oxirgi muddat sifatida avgust oyining oxirini belgilashga kelishib olgani, aks holda Tehron "qattiq sanksiyalarga duchor bo‘lishi" haqida xabar bergan edi.