Zelenskiy Shmigal nomzodini Ukraina mudofaa vaziri lavozimiga ilgari surdi

Ukraina prezidenti Vladimir Zelenskiy Ukraina mudofaa vaziri lavozimiga shu kungacha Vazirlar Mahkamasini boshqarib kelgan Denis Shmigal nomzodini ilgari surdi.

Bu haqda Ukraina rahbari o‘zining Telegram-kanalidagi videomurojaatida ma’lum qildi.

"Bugun men yangi mudofaa vaziri sifatida Denis Shmigal bo‘yicha Oliy Radaga hujjatlarni imzoladim" - dedi Zelenskiy.

Chorshanba kuni Rada Shmigalni bosh vazir lavozimidan ozod qildi. Bu butun hukumatning iste’fosini talab qiladi. Shu kungacha Mudofaa vazirligini Rustem Umerov boshqarib kelgan.