Ekologik muammo aholini tez qaritadi

40 mamlakatdan kelgan xalqaro olimlar guruhi insonning qanchalik tez qarishiga nafaqat turmush tarzi va salomatligi, balki atrof-muhit va jamiyatdagi tengsizlik darajasi ham ta’sir qilishini aniqladi. 161 981 kishi ishtirok etgan yirik tadqiqot natijalari shu xulosaga olib keldi.

Sun’iy intellektdan foydalangan holda, ular biologik xulq-atvor yoshini - insonning haqiqiy yoshi bilan uning sog‘lig‘i, xotirasi, ma’lumoti va qon bosimi yoki xolesterin darajasi kabi ko‘rsatkichlar o‘rtasidagi farqni hisoblashdi. Ma’lum bo‘lishicha, havosi iflos, ijtimoiy tengsizlik kuchli, demokratik institutlar zaif bo‘lgan mamlakatlarda odamlar tezroq qariydi, kognitiv qobiliyatlari va kundalik faolligi pasayib ketish xavfi yuqori bo‘ladi.

Eng yaxshi ko‘rsatkichlar Yevropaning bir qator davlatlarida, eng yomoni esa Misr va Janubiy Afrikada qayd etilgan. Hatto Yevropada ham farqlar mavjud: sharqiy va janubiy mamlakatlarda qarish tezroq sodir bo‘ladi.

Qarish nafaqat shaxsiy xususiyat, balki biz yashayotgan muhitning ham aksidir. Ular qarishni sekinlashtirish va aholining sog‘lom umrini uzaytirish uchun havo ifloslanishiga qarshi kurashish, tengsizlikni kamaytirish, demokratiyani mustahkamlashga chaqirmoqda.