Razambek Jamalov "Sabr tilayman, birodar"

Erkin kurash bo‘yicha O‘zbekiston terma jamoasi safida Parij-2024 Olimpiadasi chempioniga aylangan Razambek Jamalov ikki karra Olimpiya o‘yinlari g‘olibi Ulug‘bek Rashitovga murojaat qildi.

Oldinroq, taekvondo ustasi Ulug‘bek Rashitov joylashuv ma’lumotlarini taqdim etish bo‘yicha antidoping qoidalarini buzgani uchun ikki yil muddatga musobaqalardan chetlatilgandi.

"Siz ancha kuchliroq va oldindan aytib bo‘lmaydigan darajada bo‘lib qaytasiz. Sabr tilayman, birodar", deb yozgan Jamalov o‘zining Instagram sahifasida.