“Sevimli” telekanali mualliflik huquqini buzganligi sababli jarimaga tortildi.

Adliya vazirligi ma’lum qilishicha, R.Xudoyberdiyevga tegishli musiqiy asarlar telekanal tomonidan ruxsatsiz va tegishli shartnoma tuzilmasdan bir nechta telenovellalarda ishlatilgan.

Shuningdek, Splay va YouTube platformalari orqali bu musiqiy asarlar barchaga taqdim etilgan.

Holat bo‘yicha Ma’muriy javobgarlik to‘g‘risidagi kodeksning 177-1-moddasi (mualliflik huquqini va turdosh huquqlarni buzish) asosida ma’muriy bayonnoma rasmiylashtirilib, sudga yuborilgan.

Vazirlik mualliflik huquqlariga rioya qilishni talab qilgan.