Lamin Yamal: "Butun dunyo tayyorlansin"

«Barselona» hujumchisi Lamin Yamal futboldagi kelajagi haqida gapirdi. Ispaniyalik futbolchi 5 yil ichida butun dunyoni tayyorlanishga chaqirdi.

Ma’lumot o‘rnida, 2030 yilda Yamal 22 yoshga to‘ladi.

— «Barselona» tayyorlanishi kerak...
— Faqat «Barselona»mi?
— «Barselona» va butun dunyo. Men tutqich bermas futbolchiga aylanaman, — dedi Yamal.

Lamin Yamal — «Barselona» tarbiyalanuvchisi. Ayni vaqtda 17 yoshli vinger «ko‘k-anorranglilar» asosiy jamoasida 106 ta o‘yin o‘tkazib, 25 ta gol urgan va 36 ta golli uzatmani amalga oshirgan. Uning kataloniyaliklar bilan shartnomasi 2031 yilning yozigacha amal qiladi.