Hindistonga 50 ga yaqin zaharli ilonlarni olib kirmoqchi bo‘lgan erkak aeroportda hibsga olindi (foto)

Hindistonning Mumbay shahri aeroportida erkak o‘nlab zaharli ilonlarni o‘z bilan olib yurishga muvaffaq bo‘ldi.

Deccan Herald nashri xabar berishicha, u Tailanddan kelgan va asabiylashib bojxonada o‘zini g‘alati tutgan.

Tekshiruv chog‘ida yo‘lovchining chamadonidan 47 ta zaharli ilon: orol kufilari va o‘rgimchakka o‘xshash shoxli ilonlar topilgan. Bundan tashqari, erkak samolyotda osiyolik toshbaqani olib yurishga muvaffaq bo‘ldi. Ta’kidlanishicha, ilonlardan biri parvoz paytida o‘lgan.

Nashr qayd etganidek, Hindistonga hayvonlar olib kirish qonun bilan cheklanmagan. Vaholanki, respublikadagi "Hayvonot dunyosini muhofaza qilish to‘g‘risida"gi qonunga ko‘ra, bir qator turlarni, ayniqsa, yo‘qolib ketish xavfi ostida turgan yoki davlat tomonidan muhofaza etiladigan turlarini olib kirish qat’iyan man etiladi. Yovvoyi hayvonlarni tashishni rejalashtirayotgan yo‘lovchilar oldindan zarur ruxsatnomalarni olishlari kerak.

Hindiston bojxona xodimlari yovvoyi tabiatni muhofaza qilish bo‘yicha turli qonunlarda sanab o‘tilgan hayvonlarni noqonuniy olib o‘tish bo‘yicha ish ochdi.