NATOni Ukraina emas, balki o‘zining bo‘linishi tashvishga solmoqda

Iyun oyida bo‘lib o‘tadigan NATO sammitida Ukrainaga katta e’tibor qaratilmaydi, chunki alyans hozirda o‘z bo‘linishini bartaraf etish haqida ko‘proq qayg‘urmoqda, dedi Rossiya strategik tadqiqotlar instituti eksperti Sergey Yermakov RIA Novostiga.

NATO sammiti 24-25 iyun kunlari Gaagada bo‘lib o‘tadi. NATO bosh kotibi Ukrainani Gaagadagi sammitga taklif qilganini ma’lum qildi, biroq NATO-Ukraina kengashi o‘tkazilishi kutilmayapti.

Avvalroq, Frans Press agentligi nomi oshkor etilmagan diplomatga tayanib, NATO iyun oyida Gaagada bo‘lib o‘tadigan sammitning yakuniy deklarasiyasini qisqa qilishga va kelishmovchiliklarni keltirib chiqarmaslik uchun Ukrainaning ehtimoliy a’zoligini tilga olmaslikka intilayotgani haqida xabar bergan edi.

Agentlik ma’lumotlariga ko‘ra, NATOning Gaagadagi sammitida asosiy e’tibor Ukrainaga emas, balki alyansga a’zo davlatlar o‘rtasida mudofaa xarajatlarini oshirish bo‘yicha AQSh prezidenti Donald Trampni qoniqtiradigan kelishuvga erishishga qaratiladi.

"Hozir NATO bosh kotibi Ryuttening ustuvor vazifalari butunlay boshqacha - Ukraina emas, balki alyansning o‘zini saqlab qolish. Eng muhimi, transatlantik aloqalarni mustahkamlash, ya’ni aslida bu tashkilotning ustuni bo‘lgan AQShning NATOdagi ishtiroki. Shuning uchun ular uchun eng muhimi moliyaviy xarajatlar yukining mashhur, adolatli, deb ataladigan taqsimotini muhokama qilish bo‘ladi", — dedi Yermakov RIA Novostiga.

Uning ta’kidlashicha, Ukraina masalasida alyans mamlakatlari o‘rtasida ma’lum bo‘linish mavjud.

"Ukraina tarafdori bo‘lgan qat’iy pozisiyani egallagan va bu masalani NATOda boshqarayotgan davlatlar, birinchi navbatda, Sharqiy Yevropa, Boltiqbo‘yi davlatlari bor. Bu ittifoqchilarni doimo ilgari surishga, qayerdadir deklarasiyalarda "Ukraina, albatta, alyans a’zosi bo‘ladi" degan balandparvoz so‘zlarni yozishga undaydi", — deya qo‘shimcha qildi ekspert.