Rossiya 7-9 iyun kunlari Ukraina bilan asirlar almashinuvini boshlashga tayyor

Bu haqda Istanbuldagi muzokaralarda Rossiya delegasiyasiga rahbarlik qilgan Vladimir Medinskiy ma’lum qildi.

"Ukrainada halok bo‘lgan rossiyalik askarlarning jasadlari bo‘lishi mumkin, ammo ular ancha kam, Rossiya ularni qabul qilishga tayyor", — deya qo‘shimcha qildi Medinskiy.

Bundan tashqari, uning so‘zlariga ko‘ra, Istanbuldagi muzokaralarda Rossiya frontning ayrim qismlarida 2-3 kunlik gumanitar tanaffus joriy etishni taklif qilgan.

"Taklif avvaliga qo‘llab-quvvatlandi, ammo 2-3 soatdan keyin Zelenskiy bu kelishuvdan voz kechdi. Shunday bo‘lsa-da biz bunday “gumanitar tanaffus” qilishga tayyormiz", – deya aniqlik kiritdi siyosatchi.

Shuningdek, Medinskiyning ma’lum qilishicha, Ukraina Istanbulda ikki banddan iborat taklif bildirgan bo‘lib, u 30 yoki 60 kunlik o‘t ochishni to‘xtatish va bu muddatdan davlat rahbarlari darajasidagi sammitni tashkil etish uchun foydalanishni o‘z ichiga oladi.