Lukashenko Rossiyani kartoshka bilan to‘ldirmoqchi

Belarus Respublikasi Prezidenti Aleksandr Lukashenko Belarusga ham, Rossiyaga ham yetarli miqdorda kartoshka yetishtirish kerakligini aytib, "rus birodarlarga yordam berish"ga chaqirdi. Uning so‘zlarini BelTA xabar berdi.

"Ko‘p gap-so‘zlar bo‘lyapti. Ayniqsa, Rossiya prezidenti bilan o‘tkazilgan yig‘ilishdan so‘ng, u yerda kartoshka haqida hazillashgandi. Ammo bu biz uchun juda jiddiy masala. Qanday ma’noda? Nima bo‘lganda ham, kartoshka yetishtirishni yaxshi bilamiz. Shunday miqdorda yetishtirish kerakki, bizga ham, Rossiyaga ham yetsin," - dedi Belarus prezidenti.

Lukashenko ta’kidlashicha, gap xayr-ehson haqida emas, balki "munosib mablag‘lar" va "munosib narxlar" haqida ketmoqda.